BBC navigation

Intwaro z’uburozi za Syria zatangiye kuvanwaho

Ibiherutse kuvugururwa: 6 ukwa cumi, 2013 - 11:12 GMT
Abagenzuzi b'intwaro z'uburozi ba ONU muri Syria

Abagenzuzi b'intwaro z'uburozi ba ONU muri Syria

Iki gikorwa cyo kuvanaho intwaro z’uburozi za Syria kirimo kirakorwa n’itsinda ry’abahanga bo mu muryango mpuzamahanga ushinzwe gukumira itunga ry’intwaro z’uburozi ku isi (OPCW).

Ibi birakorwa hakurikijwe umwanzuro wa ONU uherutse gufatwa nyuma yaho Uburusiya na Leta zunze ubumwe z’Amerika byumvikaniye ku ntwaro z’uburozi Syria ifite.

Uwo mwanzuro nawo wafashwe nyuma yaho amahanga yamaganiye igitero gikoreshejwemo intwaro z’uburozi cyagabwe hafi y’umurwa mukuru wa Syria, Damas mu kwezi kwa munani.

Icyo gitero - bivugwa ko cyahitanye abantu babarirwa mu magana – Amerika n’ibihugu byo mu Burayi bivuga ko cyagabwe n’ingabo za Perezida Bashar al-Assad.

Perezida Assad we avuga ko cyagabwe n’inyeshyamba zirwanya ubutegetsi bwe.

BBC © 2014 BBC ntabwo yishingiye ibibera hanze y'imbuga zayo.

Uru rupapuro ruboneka neza ukoresheje amashakiro mashyashya ya CSS. Mugihe amashakiro yawe adakorana na CSS ntushobora kubona ibiri kuri uru rupapuro byose cyangwa neza. Niba bishoboka shakisha amashakiro mashyashya ya software cyangwa CSS niba washobora kubikora.