Misiri: Ingabo zateye abashyigikiye Morsi

  • 19 Ukw’icenda 2013
Bamwe mu bashinzwe umutekano mu Misiri
Bamwe mu bashinzwe umutekano mu Misiri

Inzego zishinzwe umutekano mu Misiri zarwanye n'intagondwa zigendera ku matwara akaze y'idini ya Islamu mu mujyi uri hafi y'umurwa mukuru Cairo ahiciwe mu kwezi gushize abapolisi 11.

Televiziyo ya leta iravuga ko abantu byibura 28 bakekwaho kuba intagondwa zigendera ku matwara akaze y'idini ya Isilamu ubu bafungiye i Kerdasa.

Nyuma y'amasaha menshi icyo gikorwa gitangiye, inzego zishinzwe umutekano zagombye kwikingira mu gihe imirwano yari ikaze.

Mu kwezi gushize abapolisi 11 biciwe ku nzu polisi ikorereramo i Kerdasa, nyuma yaho mu kwezi kwa karindwi hahirikiwe ubutegetsi bwa Perezida Mohamed Morsi ushyigikiwe n'abayislamu bagendera ku matwara akaze y'idini ya Islamu.

Abategetsi ba Misiri bari basezeranije abaturage ko hari icyo bazakora kuri icyo gitero cyahitanye abo bapolisi.