BBC navigation

Putin na Obama ntibumvikana kuri Siriya

Ibiherutse kuvugururwa: 6 ukwa cyenda, 2013 - 15:03 GMT
Abakuru b'ibihugu biri mu muryango wa G20

Abakuru b'ibihugu biri mu muryango wa G20

Abakuru b'ibihugu by'Amerika n'Uburusiya bahuriye mu mwiherero ariko ntibumvikanye ku kibazo cya Siriya.

Putin w'Uburusiya na Obama w'Amerika bahuriye St Petersburg, mu Burusiya, mu nama ihuza abakuru b'ibuhugu bikize biri mu muryango wa G20.

Mu kiganiro bahaye abanyamakuru barangije inama yabo, Pezida Putin yavuze ko abakuru b'ibihugu bari muri iyo nama badashyigikiye igitero cya gisirikare kuri Siriya.

Putin yongeye kuvuga ko icyo gitero kizaba kinyuranye n'amategeko mpuzamahanga.

Yavuze ko igitero cy'intwaro z'ubumara mu mujyi wa Damascus cyagabwe n'umutwe w'abitwaje intwaro bashakaga gukurura amahanga ngo yivange mu ntambara yo muri icyo gihugu.

Perezida Obama yavuze ko intwaro z'ubumara atari ikibazo kuri Siriya gusa ngo ahubwo zibangamiye amahoro ku isi.

Obama yavuze ko igitero gikenewe n'ubwo kitaba cyemejwe na LONI.

Obama yavuze ko mu nama yagiranye na Putin babwizanye ibibari ku mitima.

BBC © 2014 BBC ntabwo yishingiye ibibera hanze y'imbuga zayo.

Uru rupapuro ruboneka neza ukoresheje amashakiro mashyashya ya CSS. Mugihe amashakiro yawe adakorana na CSS ntushobora kubona ibiri kuri uru rupapuro byose cyangwa neza. Niba bishoboka shakisha amashakiro mashyashya ya software cyangwa CSS niba washobora kubikora.