Nigeria: abantu 24 'bishwe na Boko Haram'

  • 1 Ukw’icenda 2013
Intagondwa zo mu mutwe wa Boko Haram
Intagondwa zo mu mutwe wa Boko Haram

Leta ya Nigeria iravuga ko intagondwa zo mu mutwe wa Boko Haram zikekwaho kuba zaguye gitumo umutwe w'abaturage birindira umutekano wabo zicamo byibura 24 mu majyaruguru y'uburasirazuba bw'icyo gihugu.

Leta iravuga ko abandi bantu 34 babiriwe irengero nyuma y'icyo gitero cyabereye hafi y'umujyi wa Monguno muri leta ya Borno.

Abategetsi baravuga kandi ko intagondwa zambaye imyenda y'igisirikare baguye gitumo abaturage 100 bari mu mutwe wo kwirindira umutekano ku wa gatanu.

Mu gihe gito gishize ibitero byaringeye nubwo bwose leta yohereje abasirikare benshi mu turere twibasiwe n'ibitero by'intagondwa kurusha utundi.

Igisirikare cya Nigeria giherutse kuvuga ko kishe umukuru w'umutwe wa Boko Haram, Abubakar Shekau ariko iyi nkuru ntabwo yari yemezwa neza.

Igisirikare gishyigikiye imitwe y'abaturage birindira umutekano kugirango babashe kugifasha kurwanya intagondwa zigendera ku matwara akaze y'idini ya Isilamu.