Ubushinwa: Bo Xilai yashinjwe ruswa

  • 25 Ukw’indwi 2013
Bo Xilai yari umwe mu bantu bakomeye mu Bushinwa
Bo Xilai yari umwe mu bantu bakomeye mu Bushinwa

Umwe mu banyapolitiki bazwi cyane mu Bushinwa, Bo Xilai, yashinjwe n'ubushinjacyaha bwo mu Bushinwa icyaha cya ruswa no gukoresha nabi umwanya w'ubutegetsi yari afite.

Iyi rero bikaba bishobora gutuma ashyikirizwa inkiko mu byumweru bike biri imbere.

Iki cyemezo cy'ubushinjacyaha bwo mu mujyi wa Jinan uri mu burasirazuba bw'Ubushinwa gifashwe hashize umwaka umwe urenga uyu mugabo ataboneka mu ruhame.

Bwana Bo, wahoze ari umukuru w'ishyaka rya gikomunisiti mu mujyi wa Chongqing, yigeze kuba mu bantu bakomeye cyane mu Bushinwa kandi yagendaga azamuka cyane muri iryo shyaka.

Umunyamakuru wa BBC uri mu Bushinwa aravuga ko ukugwa kwe kwashyize ahagaragara ruswa n'ubwumvikane buke muri politiki mu nzego zo hejuru z'ubutegetsi muri icyo gihugu.