BBC navigation

Abanyafurika muri shampiyona y'Ubwongereza

Ibiherutse kuvugururwa: 17 ukwa munani, 2012 - 17:21 GMT

Abanyafurika muri shampiyona yo mu Bwongereza

  • Yaya Toure (iburyo) atsinda igitego Chelsea
    Umunyakotedivuwari, Yaya Toure, (uri iburyo) ari mu bakinnyi b'abanyafurika bashobora kuzagaragara cyane. Ikipe ya Manchester City izakomeza imwiyambaze cyane na none niba ishaka kongera gutsinda shampiyona nkuko yabikoze umwaka ushize.
  • Abdul Razak
    Undi mukinnyi urimo kugenda azamuka muri Manchester City ni Abdul Razak nawe ushobora kwigaragaza cyane muri iyi shampiyona nshya. Uyu mukinnyi ufite imyaka 19 yanakiniye ikipe y'igihugu cya Cote d'ivoire.
  • Arouna Kone
    Ikipe ya Wigan yazanye umukinnyi w'imbere wa Cote d'ivoire, Arouna Kone wavuze ko aje muri iyo kipe kubera imikorere y'umutoza Roberto Martinez n'ukuntu ikipe ikina.
  • Mohamed Diame arimo akinira Senegal igihe yahuraga na Uruguay
    Wigan ariko yatakaje umukinnyi wo hagati, Mohamed Diame (ibumoso) wagiye mu ikipe ya West Ham izakina mu kiciro cya mbere. Iyi kipe yizeye ko azayibera imwe mu nkingi zikomeye kugirango itazahita igwa.
  • Modibo Maiga
    West Ham, yaguze undi mukinnyi w'umunyafurika Modibo Maiga wo muri Mali ushobora gukina imbere cyangwa ku ruhande. Aje ava mu kipe yo mu Bufaransa Sochaux.
  • Victor Moses
    Victor Moses ni undi munyafurika ushobora kuzagaragara cyane muri shampiyona yo mu Bwongereza. Ariko ntibizwi niba azakina Wigan cyangwa Chelsea. Aya makipe yombi arimo ashaka kumugura n'ikipe ya Latics. Uyu mukinniyi yakiniye ikipe y'Ubwongereza y'abari mu nsi y'imyaka 21. Ariko akinira Nigeria mu rwego rw'abakuru.
  • Papis Cisse
    Papis Cisse yaguzwe n'ikipe ya Newcastle mu kwezi kwa mbere. Uyu munyasenegali yatsinze ibitego 13 mu mikino 14 yakinnye muri shampiyona ishize. Shampiyona yarangiye Newcastle iri ku mwanya wa gatanu. Izamukenera cyane muri iyi shampiyona nshya
  • Demba Ba (uri hagati)
    Undi mukinnyi w'imbere wa Newcastle uzafatanya na Cisse ni Demba Ba (uri hagati). Uyu ni umwaka wa kabiri Demba Ba akinira Newcatle. Akaba yizera kuzatsinda ibitego byinshi biruta 16 yatsinze muri shampiyona ishize.
  • Oussama Assaidi
    Liverpool yaguze umukinnyi w'imyaka 24 ukomoka muri Maroc, Oussama Assaidi wakinaga mu ikipe yo mu Buholandi ya Heerenveen. Assaidi amaze gukinira ikipe y'igihugu cye inshuro 22. Mu ikipe ya Heerenven yatsinze ibitego 20 mu mikino 68.
  • Stephane Sessegnon
    Umukinnyi ukomoka muri Benin, Stephane Sessegnon niwe watoranyijwe nk'umukinnyi wakiniye neza kurusha abandi ikipe ya Sunderland muri shampiyona ishize. Uyu mukinnyi yatsindiye Sunderland ibitego 28 mu mikino 42.
  • Alex Song
    Alex Song yitwaye neza mu ikipe ya Arsenal muri shampiyona ishize. Ariko rero ikipe ya Arsenal ishobora kumutakaza kubera ko ikipe ya Barcelona bivugwa ko imwifuza.

BBC © 2014 BBC ntabwo yishingiye ibibera hanze y'imbuga zayo.

Uru rupapuro ruboneka neza ukoresheje amashakiro mashyashya ya CSS. Mugihe amashakiro yawe adakorana na CSS ntushobora kubona ibiri kuri uru rupapuro byose cyangwa neza. Niba bishoboka shakisha amashakiro mashyashya ya software cyangwa CSS niba washobora kubikora.