Mu rwego rwo kugerageza kuburizamo umugambi wa Iran wo gukora intwaro za nuclear,umuryango w'ibihugu by'Uburayi wemeje ibihano bikomeye bikumira icyo gihugu.
Muri ibyo byemezo harimo guhagarika gutumiza peteroli yo muri Iran no gufatira imitungo ya banki nkuru ya Iran.
Ibihugu by'uburayi butumiza 20% ya peteroli ya Iran.
Amasezerano mashya azahagarikwa vuba; abaguzi bafite kugeza mu kwezi kwa 7 kuba bamaze kubona ahandi batumiza peteroli.
Mu itangazo rihuriweho n'ibihugu, leta z'Ubufaransa, Ubwongereza n'ubudage zavuze ko zidashobora kwemera ko Iran ibona intwaro za nuclear.
Iran iravuga ko idashaka gukora intwaro za nuclear.
Iran iravuga ko ishobora gufunga umuyoboro wa Hormuz, ukoreshwa nk'izira y'isi yo kugemura lisansi.
Amerika yishimiye ibihano byafashwe n'ibihugu by'uburayi.
~RS~a~RS~greatlakes~RS~q~RS~part=last~RS~z~RS~48~RS~){kind=small}