Pwyllgor Menter a Busnes

Cymorth

Rhaid gwneud yn siŵr bod "gwerth go iawn" i gymwysterau yn ôl y Dirprwy Weinidog Sgiliau Jeff Cuthbert ar 28 Chwefror 2013.

Dywedodd wrth y Pwyllgor Menter a Busnes, sy'n cynnal ymchwiliad i'r adolygiad cymwysterau ar gyfer pobl ifanc 14 i 19 oed yng Nghymru, bod rhaid i'r cymwysterau wneud mwy na bod yn gyfleus i'r canolfannau sy'n cynnig y cyrsiau.

"Rhaid gwneud yn siŵr bod cefnogaeth iddyn nhw," meddai.

"Pan ddechreuodd yr adolygiad cymwysterau roedd 10,500 o gymwysterau allai ddenu arian.

Mae'r nifer bellach wedi ei gwtogi o 3,000.

"Nid pob cymhwyster oedd yn berthnasol nac yn angenrheidiol."

Roedd cadeirydd yr adolygiad, Huw Evans hefyd yn rhoi tystiolaeth i'r pwyllgor gyda phennaeth yr is-adran gymwysterau Kate Crabtree a Kim Ebrahim, pennaeth cangen rheoleiddio a sicrhau ansawdd cymwysterau galwedigaethol y llywodraeth.

Dywedodd bod prinder pobl i hyfforddi trwy gyfrwng y Gymraeg a bod angen gweithredu i newid hynny.

Eglurodd bod nifer o bobl gymwys i hyfforddi yn rhugl yn y Gymraeg ond heb yr hyder i ddysgu trwy gyfrwng yr iaith.

Galwodd am "flaenoriaethu hyfforddi tiwtoriaid i ddysgu trwy gyfrwng y Gymraeg."

Read this in English

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.