Cwpan FA: Yr enwau o'r het

cwpan FA

Fe gafodd Abertawe a Chaerdydd wybod pwy fyddan nhw'n wynebu ym mhumed rownd Cwpan FA Lloegr wedi i'r ddau ennill ddydd Sadwrn.

Fe fydd Caerdydd yn croesawu deiliaid y cwpan, Wigan Athletic, i Stadiwm Dinas Caerdydd.

Gyda Wigan bellach i lawr yn y bencampwriaeth fe fydd rhai yn ystyried hon yn gêm haws, ond gyda Chaerdydd ar waelod yr Uwchgynghrair does fawr ddim rhwng y ddau dîm erbyn hyn.

Mae gan Abertawe dasg dipyn anoddach. Yr Elyrch oedd yr enw diwethaf o'r het, ac fe fydd rhaid i dîm Michael Laudrup deithio i Barc Goodison i wynebu Everton a'u cyn rheolwr Roberto Martinez.

Dwy gêm arall sy'n tynnu dŵr o'r dannedd yw'r un rhwng Manchester City a Chelsea, ac Arsenal yn erbyn Lerpwl.

Bydd y gemau'n cael eu chwarae ar benwythnos Chwefror 14, 15 a 16.

Cwpan FA Lloegr - y bumed rownd :-

  • Man City v. Chelsea
  • Sheff.Utd/Fulham v. Nottm Forest/Preston
  • Arsenal v. Lerpwl
  • Brighton v. Hull
  • Caerdydd v. Wigan
  • Sheff.Wed v. Charlton Athletic
  • Sunderland v. Southampton
  • Everton v. Abertawe