Leinster 36 - 3 Gweilch

Gweilch
Fe deimlodd y Gweilch golled Evans, ac mae posib y bydd Cymru'n gweld ei fethu hefyd

Mae'r Gweilch wedi ffarwelio a'r Heineken, o bosib am y tro olaf, gyda chrasfa gan Leinster.

Roedd yr ugain munud cyntaf yn eithaf cyfartal am yr ugain munud cyntaf, wrth i amddiffyn cryf y ddau dîm gadw'r sgôr yn isel.

Dim ond 3-3 oedd hi pan welodd clo'r Gweilch Ian Evans gerdyn goch am stampio ar ben Mike McCarthy yn y sgarmes.

Fe edrychodd y dyfarnwr Romain Poite ar y digwyddiad nifer o weithiau ar y sgrin fawr cyn gwneud ei benderfyniad.

Gallai'r penderfyniad olygu bod Evans yn colli'r Chwe Gwlad.

Fe wnaeth y Gweilch ei gorau glas i amddiffyn drwy weddill y gêm ond doedd dim posib iddyn nhw ddal y llif yn ôl, ac fe ddaeth cais gyntaf Leinster gyda 33 munud ar y cloc.

Fe benderfynodd Poite roi cais gosb wedi i sgarmes y tîm cartref chwalu'n agos at y llinell gais.

Daeth yr ail gais rhyw bum munud wedyn wrth i Healy groesi'r llinell yn dilyn rhediad chwim.

Cafodd Leinster ail gais gosb y gêm wedi 62 gan fod Rhys Webb wedi mynd mewn o'r ochr o'r sgrym gan atal cais oedd ar blât i Jamie Heaslip.

Bydd rhaid aros i weld am faint bydd Evan yn cael ei wahardd.