Warren Gatland yn gwrthod cyfarfod Alain Rolland

  • 5 Tachwedd 2013
Tacl Warburton
Y dacl anffodus

Mae Warren Gatland yn bwriadu mynd yn erbyn y drefn drwy beidio â chwrdd ag Alain Rolland cyn y gêm brawf yn erbyn De Affrica ddydd Sadwrn.

Mae'n arferol i hyfforddwyr gyfarfod y dyfarnwr cyn gêm brawf er mwyn trafod sut bydd y chwarae'n cael ei reoli a'r dehongliad o'r rheolau rygbi.

Ond nid yw Gatland yn fodlon gweld Rolland, y dyfarnwr a ddangosodd gerdyn coch i gapten Cymru Sam Warburton yn eu gêm yn y rownd gyn-derfynol yng Nghwpan Rygbi'r Byd yn 2011.

Ar y pryd dywedodd Gatland fod y penderfyniad wedi ei "frifo i'r byw".

Ond dywedodd Warburton yn ddiweddarach fod y penderfyniad i'w yrru oddi ar y cae am dacl beryglus ar Vincent Clerc yn gywir.

Bydd y gêm yn dechrau am 5:30yh ddydd Sadwrn, yn Stadiwm y Mileniwm yng Nghaerdydd.