Achub dyn 50 oed ym Mhenrhyn Gŵyr

  • 14 Medi 2013

Cafodd dyn ei gludo i'r ysbyty mewn hofrennydd ar ôl cael beth sy'n ymddangos fel trawiad ar y galon wrth neidio oddi ar glogwyni ym Mhenrhyn Gŵyr.

Roedd y dyn 50 oed yn rhan o'r gweithgaredd ar yr arfordir yn Rhosili, ger Abertawe, pan gafodd ei daro'n wael.

Dywedodd gwylwyr y glannau Abertawe iddyn nhw gael eu galw tua 2:00yh ddydd Sadwrn.

Meddai llefarydd: "Cafodd dyn 50 oed a oedd wedi dechrau cael trafferthion gyda'i galon ei hedfan i Ysbyty Treforys, Abertawe, gan Awyrlu Chivenor."

Does dim manylion ynglŷn â chyflwr y dyn eto.