Ymosodiad ar fosg: Dyn o flaen llys

  • 14 Medi 2013
Steven Davies Image copyright Athena Picture Agency
Image caption Mae Steven Davies wedi ei gyhuddo o dorri ffenestr yn y mosg, cyn ymosod ar bâr priod

Mae dyn 21 oed wedi bod o flaen ynadon wedi ei gyhuddo o ymosod ar bâr priod ar ôl honiadau iddo fandaleiddio mosg.

Fe ymddangosodd Steven John Davies, o bentref Tonna, o flaen Llys yr Ynadon Abertawe fore dydd Sadwrn.

Mae wedi ei gyhuddo o ddifrod troseddol gyda chymhelliad hiliol, niwed corfforol gyda chymhelliad hiliol ac ymosod trwy guro.

Clywodd y llys honiadau ei fod wedi torri ffenestri ddwbl yng Nghanolfan Islamaidd St Anne's ym mhentre' Tonna, ger Castell-nedd, yn ystod oriau man bore Gwener.

Ni chyflwynwyd unrhyw ble a siaradodd y diffynnydd i gadarnhau ei enw, ei oed a'i gyfeiriad yn unig.

Cafodd yr achos ei drosglwyddo i Lys y Goron Abertawe a chafodd y diffynnydd ei gadw yn y ddalfa tan ei ymddangosiad nesa' yn y llys ar Fedi 24.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.