Heddlu yn barod am gêm ddarbi

  • 31 Awst 2013
Clwb Pêl-droed Wrecsam Image copyright Other
Image caption Mae Wrecsam wedi cael dechrau sigledig i'r tymor newydd.

Fe fydd presenoldeb yr heddlu yn amlwg ddydd Sadwrn pan fydd Wrecsam yn chwarae Caer yn y gêm ddarbi gyntaf rhyngddynt am nifer o flynyddoedd.

Rhaid oedd prynu tocyn ymlaen llaw ar gyfer y gêm, ac mae disgwyl i gefnogwyr Caer deithio ar fysiau swyddogol yn unig.

Yn ogystal, fe fydd rhan o Ffordd yr Wyddgrug i ganol tref Wrecsam ar gau.

Dywedodd y Prif Arolygydd Dave Owens: "Rydym wedi cynllunio ar gyfer y gêm gyda'r ddau glwb i sicrhau y bydd pawb yn ddiogel ac yn mwynhau'r digwyddiad.

"Mae adroddiadau wedi bod mai'r heddlu orchmynnodd y trefniadau teithio.

"Nid yw hyn yn wir. Fe wnaeth y clybiau hefyd gytuno ar y mesurau hyn gan eu bod yn gwerthfawrogi pwysigrwydd diogelwch y cefnogwyr a chymunedau lleol.

"Rwy'n eu canmol am eu safbwynt synhwyrol"

Mae Wrecsam wedi cael dechrau sigledig i'r tymor newydd.

Ar ôl pum gêm, pum pwynt sydd gan glwb y Cae Ras ar ôl colli i Lincoln o ddwy gôl ar Ŵyl y Banc.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.