Trawiad y galon: 20 wythnos o garchar

Jonathan Sillett
Image caption Bu farw Jonathan Sillett ar ôl y ffrae

Mae dyn 24 oed wedi ei garcharu am 20 wythnos wedi i ddyn gael trawiad y galon oherwydd ffrae.

Clywodd Ynadon Prestatyn fod Jonathan Sillett, 42 oed, wedi mynd yn anymwybodol pan oedd yn dadlau â Michael Gray.

Roedd Gray wedi bod yn gyrru'n afreolus ar gae ger cartref Mr Sillett ym Mhrestatyn ar Orffennaf 21 y llynedd.

Plediodd yn euog i gyhuddiad o ymddwyn yn fygythiol.

Clywodd y llys fod Mr Sillett wedi herio Gray awgrymodd y byddai'n ei daro.

O fewn eiliadau cwympodd Mr Sillett yn anymwybodol a bu farw'r un diwrnod.

Dywedodd y Barnwr Andrew Shaw: "Nid eich bwriad chi oedd achosi ei farwolaeth ond cyfrannodd yr hyn wnaethoch chi at hyn."

Roedd y sefyllfa, meddai, yn "ddwys ac yn ddychrynllyd".