Dau yn y llys wedi'u cyhuddo o lofruddio nain yn Wrecsam

  • 27 Chwefror 2013
Police investigation in Bryn Hafod, Wrexham
Image caption Cafwyd hyd i gorff Ms Solmaz yn Wrecsam fore Mercher

Mae dau ddyn wedi ymddangos o flaen ynadon wedi eu cyhuddo o lofruddio dynes 65 oed yn ei chartre' yn Wrecsam.

Cafodd Alexandros Weatherill, 23 oed, a Christopher Curran, 34 oed, ill dau eu cyhuddo o lofruddio Glynis Solmaz ac o gynllwynio i dresbasu eiddo.

Cafodd corff Ms Solmaz ei ddarganfod ar Chwefror 20 ar stad Parc Caia, ble roedd hi'n byw ar ei phen ei hun.

Bydd y ddau yn ymddangos o flaen Llys y Goron Caernarfon ddydd Iau ar gyfer gwrandawiad mechnïaeth.

Mae dau ddyn arall hefyd wedi cael eu cyhuddo o gynllwynio i ladrata.

Straeon perthnasol