Dau Gymro arall yn llwyddo ym Mhencampwriaeth Agored Cymru

  • 12 Chwefror 2013
Mark Williams
Curodd Mark Williams Liu Chang yn y rownd gyntaf ddydd Llun

Mae Matthew Stevens a Dominic Dale wedi ymuno â'r cyn-bencampwr byd, Mark Williams, yn rownd nesaf Pencampwriaeth Snwcer Agored Cymru.

Curodd Dale Gymro arall, David Wells, yn y rownd ragbrofol i gyrraedd y rownd gyntaf nos Lun a churodd Stevens Alfie Burden o Loegr yn ystod chwarae'r prynhawn.

Curodd Williams Liu Chang o China o bedair ffrâm i un ar ddiwrnod cynta'r gystadleuaeth yng Nghasnewydd.

Ond colli wnaeth dau Gymro arall - Ryan Day i Liang Wenbo o China, a Gareth Allen yn erbyn cyn-Bencampwr y Byd, John Higgins.

Fe fydd Dale nawr yn herio Judd Trump o Loegr yn y rownd gyntaf ac fe fydd Williams yn chwarae yn erbyn Robert Milkins.

Liang Webo o China fydd gwrthwynebydd Matthew Stevens yn y rownd nesaf.

Canlyniadau'r Cymry:

Rownd rhagbrogol (Dydd Llun)

Ryan Day 1-4 Liang Wenbo (China)

Mark Williams 4-1 Liu Chang (China)

Gareth Allen 1-4 John Higgins (Yr Alban)

Matthew Stevens 4-2 Alfie Burden (Lloegr)

Dominic Dale 4-1 Daniel Wells