Williams yn ail rownd Pencampwriaeth Snwcer Agored Cymru

  • 11 Chwefror 2013
Mark Williams
Curodd Mark Williams Liu Chang yn y rownd gyntaf ddydd Llun

Mae'r cyn-bencampwr byd, Mark Williams wedi cyrraedd ail rownd Pencampwriaeth Snwcer Agored Cymru.

Curodd y dyn o'r Cwm ger Glyn Ebwy Liu Chang o China o bedair ffrâm i un ar ddiwrnod cynta'r gystadleuaeth yng Nghasnewydd.

Ond colli fu hanes dau Gymro arall, Ryan Day i Liang Wenbo o China a Gareth Allen yn erbyn cyn Bencampwr y Byd, John Higgins.

Mae Matthew Stevens yn herio Alfie Burden o Loegr brynhawn Iau.

Canlyniadau'r Cymry:

Rownd 1

Ryan Day 1-4 Liang Wenbo (China)

Mark Williams 4-1 Liu Chang (China)

Gareth Allen 1-4 John Higgins (Yr Alban)

Matthew Stevens v Alfie Burden (Lloegr) (2pm ddydd Llun)

Dominic Dale v Daniel Wells (7pm nos Lun)