Arestio dyn ar ôl llofruddiaeth Diwrnod Nadolig

  • 26 Rhagfyr 2012

Mae dyn wedi cael ei arestio ar amheuaeth o lofruddiaeth ar ôl i ddynes gael ei chanfod yn farw yn Sir Gaerfyrddin ar Ddiwrnod Nadolig.

Cafodd heddlu Dyfed Powys eu galw i gyfeiriad ym Maes Yr Ysgol yng Nghaerfyrddin tua 10.50am ddydd Mawrth.

Cafwyd hyd i gorff dynes 37 oed yn y tŷ.

Mae dyn lleol 28 oed wedi cael ei arestio.

Mae'r heddlu yn awyddus i glywed gan unrhyw un oedd yn Maes Yr Ysgol rhwng 5pm ar Noswyl Nadolig ac 11am Ddydd Nadolig i gysylltu gyda nhw.

Dywedodd llefarydd ar ran yr heddlu bod swyddogion arbennig yn cynnig cefnogaeth i'r teulu.

"Mae'r gymuned yn parhau i gefnogi'r heddlu gyda'u hymchwiliad a hoffem ddiolch iddyn nhw am eu cymorth," meddai.

"Os oes gan unrhyw un wybodaeth fe ddylen nhw gysylltu gyda'r heddlu yn lleol ar 101."

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.