Etholwyr De Caerdydd a Phenarth yn pleidleisio am AS newydd

  • 15 Tachwedd 2012
Gorsaf Bleidleisio
Image caption Mae'r gorsafoedd ar agor rhwng 7am a 10pm

Mae etholwyr De Caerdydd a Phenarth yn pleidleisio ar gyfer dewis eu haelod Seneddol nesaf.

Mae 'na isetholiad yn cael ei chynnal yno ddydd Iau ar ôl ymddiswyddiad Alun Michael.

Mae Mr Michael yn sefyll yn yr etholiad i ddewis Comisiynydd Heddlu a Throsedd De Cymru, sydd hefyd yn cael ei gynnal ddydd Iau - ynghyd a thri ymgeisydd arall sef Michael Baker, Caroline Jones a Tony Verderame.

Mae 'na wyth ymgeisydd ar gyfer y sedd.

Roedd gan y Blaid Lafur fwyafrif o 4,709 yn Etholiad Cyffredinol 2010 wedi gogwydd o 6% i'r Ceidwadwyr.

Bu Mr Michael yn cynrychioli'r etholaeth ers 1986.

Mae'r etholaeth yn un amrywiol sy'n cynnwys cymunedau fel Trebiwt a Grangetown yng nghanol y ddinas i ardaloedd mwy llewyrchus Penarth a'r ardal sydd wedi ei hail-ddatblygu'n helaeth o gwmpas Bae Caerdydd.

Dyma hefyd etholaeth fwyaf Cymru o safbwynt nifer y pleidleiswyr, gydag oddeutu 78,000 o bleidleiswyr.

Cafodd yr etholaeth ei chreu yn 1983 ac roedd y cyn-Brif Weinidog James Callaghan yn AS yno.

YMGEISWYR IS-ETHOLIAD DE CAERDYDD A PHENARTH 2012
Stephen Doughty Llafur
Robert Griffiths Comiwnydd
Andrew Jordan Llafur Sosialaidd
Bablin Molik Democrat Rhyddfrydol
Luke Nicholas Plaid Cymru
Anthony Slaughter Y Blaid Werdd
Craig Williams Ceidwadwyr
Simon Zeigler UKIP

Straeon perthnasol