Jones a Turnbull allan o'r garfan

Cafodd Jamie Roberts anaf i'w ben yn y gêm yn erbyn Yr Ariannin
Cafodd Jamie Roberts anaf i'w ben yn y gêm yn erbyn Yr Ariannin

Fydd y blaenwyr Alun Wyn Jones a Josh Turnbull ddim ar gael ar gyfer gweddill tymor yr Hydref oherwydd anafiadau.

Fe wnaeth y clo Jones anafu ei ysgwydd yn y gêm yn erbyn Ariannin ddydd Sadwrn diwethaf.

Cafodd Turnbull, blaenasgellwr y Scarlets, anaf i'w ben-glin yn ystod yr un gêm a bydd allan am bedair wythnos.

Oherwydd yr anafiadau mae rheolwyr tîm rygbi Cymru wedi gohirio cyhoeddi eu tîm i wynebu Samoa yng Nghaerdydd nos Wener.

Yn ystod y gyfres bydd Cymru hefyd yn wynebu Awstralia a'r Ariannin.

Ond mae disgwyl i Ryan Jones a'r canolwr Ashely Beck fod yn holliach i ymuno â'r garfan.

Bydd y tîm i wynebu Samoa yn cael ei henwi ddydd Mercher.

Mae profion yn dal yn cael eu cynnal ar y canolwr Jame Roberts ar ôl iddo gael cnoc ar ei ben yn erbyn yr Ariannin.

Hefyd mae 'na amheuaeth o hyd am y canolwr Jonathan Davies.

"Dwi'n awyddus i'w gynnwys yn y tîm gan ei fod yn un o'n prif amddiffynwyr a does dim dwywaith i ni ei golli ddydd Sadwrn," ychwanegodd Edwards.

Ar gael i'r dewiswyr hefyd y mae Luke Charteris ar ôl i Perpignan golli o 3-15 yn erbyn Biarritz ddydd Sadwrn.

Ar ôl y gêm yn erbyn Samoa nos Wener fe fydd Cymru yn herio Seland Newydd ar Dachwedd 24 ac Awstralia ar Ragfyr 1.

Mae Cymru yn gobeithio ennill y gêm nos Wener i osgoi colli 5 gêm yn olynol.