Llygredd: Asiantaeth yn ymchwilio Afon Clydach

Mae Asiantaeth yr Amgylchedd Cymru yn ymchwilio ar ôl adroddiadau bod rhan o Afon Clydach wedi ei llygru.

Mae swyddogion yr asiantaeth yn archwilio'r afon rhwng Bryn-coch ac Aber Castell-nedd ac yn asesu effaith y llygredd ar bysgod yn yr afon ac ansawdd y dŵr.

Dywedodd yr asiantaeth fod rhan o'r afon wedi newid lliw i lwyd oherwydd presenoldeb darnau o sylwedd solet yn y dŵr.

Nid yw'r swyddogion wedi gweld unrhyw bysgodyn sydd wedi ei effeithio gan y llygredd hyd yn hyn, meddai llefarydd ar ran yr asiantaeth.

"Ond fe fyddwn ni'n parhau i arolygu'r afon tan i ni ganfod beth achosodd y llygredd," meddai.

Dylai unrhyw un â gwybodaeth ynglŷn â'r digwyddiad hwn gysylltu â'r asiantaeth ar 0800 80 70 60.