Cyhuddo o gyhoeddi neges 'sarhaus' ar Facebook

Mae dyn o Sir Gaerhirfryn wedi cael ei gyhuddo o gyhoeddi neges "sarhaus iawn" ar wefan Facebook am April Jones, y ferch bum mlwydd oed gafodd ei chipio ger ei chartref ar ystâd Bryn y Gog ym Machynlleth nos Lun.

Bydd Matthew Wood, 20 oed o Chorley, yn ymddangos o flaen ynadon ddydd Llun.

Cafodd Mr Wood ei arestio ddydd Sadwrn a'i gyhuddo o dan adran 127 y Ddeddf Gyfathrebu.