Gwasanaeth trên wedi ei adfer i deithwyr Caerdydd a'r cymoedd

  • 17 Awst 2012
Mae pum tunnell o bridd wedi cwympo
Roedd pum tunnell o bridd wedi cwympo

Mae gwasanaethau trên yn ôl i'r arfer yng Nghaerdydd ar ôl tirlithriad yr wythnos diwethaf.

Cafodd hyn effaith ar wasanaethau trenau rhwng y cymoedd a Chaerdydd.

Roedd y tirlithriad rhwng Gorsaf Heol y Frenhines a Gorsaf Caerdydd Canolog.

Cafodd effaith ar wasanaethau i Dreherbert, Merthyr Tudful, Aberdâr a Rhymni.

Roedd pum tunnell o bridd wedi syrthio ar y rheilffordd ar ôl i'r wal gwympo.

Mae Network Rail wedi ymddiheuro i gwsmeriaid ac wedi diolch am eu hamynedd.