Morgannwg: Dechrau da i North

Logo Morgannwg

Cafodd chwaraewr newydd Morgannwg ddechrau da i'w yrfa gyda'r sir ym Mhencampwriaweth y Siroedd yn Derby.

Marcus North oedd prif sgoriwr Morgannwg yn eu batiad cyntaf wedi iddyn nhw alw'n gywir a dewis batio.

Sgoriodd North 79 allan o gyfanswm Morgannwg, ond tila oedd y gefnogaeth.

Dim ond Mark Wallace a Gareth Rees wnaeth gyfraniadau o bwys ac fe gipiodd Groenewald a Clare dair wiced yr un i'r tîm cartref wrth gyfyngu Morgannwg i 236 yn eu batiad cyntaf.

Doedd dim llwyddiant i fowlwyr Morgannwg yn yr ychydig belawdau a gafwyd cyn i'r chwarae ddod i ben am y diwrnod, gyda Swydd Derby'n cyrraedd 22 heb golli wiced yn eu batiad cyntaf nhw.

Pencampwriaeth y Siroedd: Adran 2 - Sgôr ddiweddaraf

Swydd Derby v. Morgannwg - Diwrnod cyntaf

Morgannwg - (batiad cyntaf) 236

Swydd Derby - (batiad cyntaf) 22heb golli