Chwalad i'r Gleision

  • 8 Ebrill 2012
Isa Nacewa a Rob Kearney'n herio
Isa Nacewa a Rob Kearney'n herio

Leinster 34-3 Gleision

Mae Leinster wedi cyrraedd rownd gynderfynol Cwpan Heineken wedi buddugoliaeth ysgubol yn erbyn Gleision Caerdydd.

Ciciodd Leigh Halfpenny gic gosb i'r Cymry ond roedd y Gwyddelod ar y blaen o 27-3 ar yr egwyl oherwydd ceisiadau Isa Nacewa, Rob Kearney a Brian O'Driscoll.

Yn yr ail hanner sgoriodd Kearney unwaith eto a llwyddodd y maswr, Jonathan Sexton, i drosi bedair gwaith a chicio dwy gic gosb.

Roedd y Gwyddelod yn ddidrugaredd wrth ennill eu 13edd gêm yn y gystadleuaeth.

Hwn oedd y tro ola i Gethin Jenkins, Casey Laulala a Martyn Williams chwarae i'r Gleision a rhybuddiodd eu hyfforddwr, Gareth Baber, eu bod yn wynebu "cyfnod anodd" heb y sêr.

Mae gobeithion timau Cymru yng Nghwpan Heineken wedi dod i ben tan y tymor nesa.

LEINSTER (27) 34

Ceisiadau: Nacewa, Kearney 2, O'Driscoll Ciciau cosb: Sexton 2 Trosiadau: Sexton 4

CARDIFF (3) 3

Cic gosb: Halfpenny