Cannoedd o gartrefi heb drydan

Eira yn gorwedd ar gar Image copyright (C) British Broadcasting Corporation
Image caption Collodd miloedd o bobl eu cyflenwad trydan yn dilyn eira trwm ddydd Mercher

Mae rhyw 500 o gartrefi yn y gogledd yn dal i fod heb drydan fore dydd Iau.

Yn ôl cwmni ScottishPower, y tywydd garw dros y dyddiau diwethaf sy'n gyfrifol am y problemau.

Mae 200 o beirianwyr yn ceisio datrys y broblem ac mae'r cwmni'n hyderus y bydd trydan gan ei holl gwsmeriaid erbyn diwedd y dydd.

Collodd miloedd o bobl eu cyflenwad trydan ddydd Mercher yn dilyn eira trwm a thywydd gwael.

Yn ôl ScottishPower roedd y broblem wedi effeithio Caernarfon, Ynys Môn ac arfordir Gogledd Orllewin Cymru.

Dywedodd y cwmni fod 500 o gartrefi yn dal heb gyflenwad trydan am 8.30am ddydd Iau.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.