Tlodi: Rhybudd gan elusen

Plentyn ar bont Image copyright Other
Image caption Y nod yw dileu tlodi plant erbyn 2020

Mae elusen yn rhybuddio y gallai Llywodraeth Cymru fethu ei darged i gael gwared ar dlodi plant erbyn 2020.

Yn ôl elusen Achub y Plant mae un plentyn ym mhob tri yn byw mewn tlodi yng Nghymru, ac mae'r nifer yn cynyddu.

Dywed yr elusen fod y sefyllfa yn "gywilyddus" ac yn dweud y dylai Llywodraeth Cymru gadw at eu gair.

Ond yn ôl Gwenda Thomas, y dirprwy weinidog sydd â chyfrifoldeb am blant a gwasanaethau cymdeithasol, mae'r llywodraeth eisoes wedi cyflwyno mesurau llwyddiannus.

Mae hi o'r farn fod yna well cydweithio rhwng y gwahanol asiantaethau a bod hyn wedi dwyn ffrwyth.

Dywedodd er nad yw pethau fel trethi a lwfansau wedi eu datganoli roedd yna fodd i wella'r sefyllfa.

Mae hi'n bwriadu cyflwyno deddf gwasanaethau cymdeithasol fydd, meddai, yn helpu mynd i'r afael â'r broblem.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.