Arddangosfa: Gradd o lwyddiant mewn gwyddoniaeth

Craffu ar ffosilau gyda Kate Evans

31 Mai 2011

Graddfa ydi thema pabell wyddoniaeth Eisteddfod Genedlaethol yr Urdd Abertawe - ac mae ei harddangosfeydd yn hynod boblogaidd yn ôl gradd y diddordeb a ddangoswyd ynddynt gan rai cannoedd o blant fore cyntaf yr Eisteddfod.

"Mewn awr aeth cant o blant drwy'r babell," meddai Kate Evans, darlithydd ym Mhrifysgol Abertawe.

Y mae pob math o bethau yn ymwneud â maint a gradd ym mhabell GwyddonLe gan gynnwys 15 metr trawiadol perfeddyn mawr bod dynol!

Y nod ydi dod â gwyddoniaeth yn fyw i bobl ifanc - ac i rieni a theidiau a neiniau tas hi'n mynd i hynny - gyda phob math o arddangosfeydd a gweithdai gwyddonol rhyngweithio.

Cydweithiodd Prifysgol Abertawe gyda chyrff fel Tata Steel, Techniquest, Gardd Fotaneg Genedlaethol Cymru a Cadwch Gymru'n Daclus.

Mae model o'r car uwchsonig Bloodhound y bu gan ymchwilwyr ym Mhrifysgol Abertawe ran allweddol yn ei ddylunio ar gyfer codi 'r Record Byd ar gyfer Cyflymder Tir i 1,000 milltir yr awr erbyn 2012.

Hwyl sydd i'w gael yn y babell; wrth graffu er enghraifft trwy ficrosgop grym atomig sy'n dangos strwythurau o ddim ond nanometr, cyffwrdd anifeiliaid môr, dadberfeddu bod dynol, syllu ar ffosiliau ac ati.

Dangos maint perfeddyn mawr dyn

Ond fel y dywedodd yr Athro Richard B Davies, Is-ganghellor y Brifysgol mae cymhelliad yn un cwbl o ddifri;

"Os yw prifysgolion i adeiladu yn effeithiol ar lwyddiant ysgolion cyfrwng Cymraeg mae'n hanfodol bod y Gymraeg nid yn unig yn cael ei gweld fel iaith y celfyddydau a diwylliant, ond hefyd fel iaith gwyddoniaeth, ymchwil a menter. Dyma pam ein bod ni mor falch o gael ymuno â'r Urdd i lwyfannu'r GwyddonLe," meddai.

"Drwy ddod â gwyddoniaeth yn fyw mewn ffordd hwyliog a rhyngweithiol, gobeithiwn y bydd gweithgareddau'r GwyddonLe'n sbarduno meddyliau'r ymwelwyr ifanc i ddilyn gyrfaoedd yn y meysydd allweddol hynny," ychwanegodd.

Cyfeiriodd Kate Evans hefyd mewn cynhadledd i'r wasg fore Llun at y traddodiad gwyddonol sydd i fro'r Eisteddfod.

Mae sylw hefyd i'r berthynas rhwng Moeseg a Gwyddoniaeth gyda chyfle i drafod a mynegi barn am bynciau dadleuol fel clonio dynol a nanodechnoleg.


Lluniau o'r Maes

Crwydro'r maes

Byddwn yn cyhoeddi lluniau o faes yr Eisteddfod gydol yr wythnos

C2

Huw Stephens Yn ei Grŵf!

Gêm: Yn y Grŵf

Gêm newydd ar wefan C2 - hwyl a sbri wrth ddewis Huw a mwy fel cyflwynydd!

Ffeil

Darllenwch y penawdau newyddion, chwaraeon diweddaraf a'r ar dudalen newydd Ffeil.

Bitesize TGAU

Logo Bitesize

Cymorth adolygu

Gweithgareddau, testun adolygu, fideos, clipiau sain a phrofion!

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.