Beth yw eich atgofion chi o 2000? Cyfrannwch i'r dudalen hon drwy anfon eich atgofion atom - ewch i waelod y dudalen

"Un o'r degau o gryno ddisgiau Cymraeg a ryddhawyd yn 2000 oedd "Pwy sy'n galw?" gan y Big Leaves, ac aelodau'r grwp oedd Rhodri Sion, Meilyr Gwynedd, Osian Gwynedd a Kevin Tame.

Cafodd y grwp lwyddiant yn seremoni wobrwyo newydd sbon Radio Cymru sef y Gwobrau RAP (Roc a Phop) drwy ennill pedair gwobr.

Roedd yna noson roc a phop yng ngwyl y Faenol hefyd pan gafodd Bryn terfel weledigaeth i sefydlu digwyddiad lle fyddai dros ddeg mil o bobol yn heidio i eistedd mewn cae am dair noson, beth bynnag y tywydd! Nosweithiau yn amrywio o gerddoriaeth byd opera a'r sioeau cerdd i fyd canu poblogaidd.

Roedd yna rai yn taeru na fuasai'r Faenol yn llwyddiant..."Tydi pobol Gogledd Cymru ddim yn rhyw bromenaders o Glynebourne..." Wel roedden nhw'n anghywir! Roeddwn i'n bersonol yn ddiolchgar tu hwnt i Bryn, dim ond ryw filltir o dy mam mae'r Faenol lle'r arferwn chwarae pan yn blentyn, ac mae Bryn Terfel wedi rhoi'r esgus perffaith i mi ddychwelyd i fy ngwreiddiau bob blwyddyn.

Braf yw gweld ser tebyg i Andrea Boccelli, Jose Carreras a Hayley Westenra yma yng Nghymru, 'mond oherwydd Gwyl y Faenol"