Ers rhai misoedd bellach mae Magi D wedi bod yn eich cadw mewn cysylltiad a'r holl goss diweddardaf o'r SRG ar C2 bob nos Iau hefo Daf Du. Bellach gallwch ddarllen y cyfan ar ei blog wythnosol ar y wê!
Yr unig un
Ar hyn o bryd, enw'r albym fydd 'Wedi Chwalu yn y Cymylau' - ond efallai y bydd yn newid cyn i'r CD ymddangos yn y siopau ddiwedd Mai / ddechrau Mehefin. Gwyliwch y gofod hwn!
Ychwanegiadau i lein-yp y Faenol
Yr wythnos yma cadarnhawyd y bydd Frizbee a Steve Eaves yn ymuno yn nathliadau penblwydd Radio Cymru yn 30 oed yng Nghwyl y Faenol eleni.
Eisioes wedi eu cadarnhau i chwarae ar y noson, sy'n digwydd ar Awst 27, mae Bryn Fon, Huw Chiswell, a'r Sibrydion - ac mae rhagor o enwau mawr i gael eu cyhoeddi yn fuan... bydd yn noson FAWR!
Gruff Rhys yn DJ-io
Nos Sadwrn, Mai 12fed, bydd Gruff Rhys yn porri trwy ei gasgliad recordiau, ac yn gwneud set DJ-io yn Callaghans, Caerdydd.
Hefyd yn DJ-io a pherfformio ar y noson fydd Andy Votel, Dom Thomas, Carl Forecast, Samandtheplants a Cate Le Bon.
Y Crimea yn gwneud hanes
Mis yma bydd The Crimea - gyda'r Cymro Owen Hopkin ar y drymiau, yn gwneud hanes, trwy fod y band adnabyddus cyntaf i roi albwm newydd i ffwrdd am ddim ar y wê.Er I'r band wario miloedd yn ysgrifennu a recordio'r albym, bydd pawb yn gallu lawrlwytho'r albym 'Secrets Of The Witching Hour' am ddim
Siaradodd Owen a ni ar y rhaglen am yr albym, ac hefyd am eu perfformiadau yn Beijing - yn dilyn gwahoddiad i ganu yno gan Llywodraeth Beijing.
Teulu'r Sibrydion yn tyfu
Mae'r Sibrydion wedi cyhoeddi ar eu MySpace nhw bod aelod newydd i'r band. Mae Dafydd Nant - sy'n chwarae drymiau i'r band pync o Ben Llyn, BOB, yn ymuno â Sibrydion i daro'u drymiau nhw hefyd tro bo Osian Gwynedd yn symud i chwarae'r allweddellau.
Mae Dafydd hefyd wedi bod yn chwarae'r drymiau i Ashokan, ar ôl i Slug benderfynu gadael y band tua pythefnos yn ol.
Gwylwch y Gofod - Yr Ods
www.myspace.com/yrods
Dyma ddywedodd y Rods am eu hunain:
"Ffurfwyd Yr Ods yn ystod diwedd tymor cyntaf y coleg yn Aberystwyth 2006, achos ein bod ni wedi sylweddoli nad ydym yn gwneud dim byd o werth, er mwyn tynnu sylw oddi ar y ffaith bo nin diota a gwasdraffu amser, penderfynodd Gruff Pritchard o Lanberis, a Griff Lynch o Fangor gyfansoddi caneuon.
Mae y rods yn mynd i chwalu dy ben, sbeitio dy dad, a rhamantu dy fam, BYDD BAROD!"
Ewch draw i www.myspace.com/yrods i glywed caneuon Y Rods ac i gael mwy o wybodaeth.
I ddarllen newyddion Magi o'r wythnosau a fu, cliciwch yma.
Newyddion Magi D
Amserlen C2:
Cysylltiadau, artistiaid, bandiau...