Beth yw Pobol y Cwm?
Opera sebon hynaf y BBC yw Pobol y Cwm, a chyfres a gynhyrchir yn gyfan gwbl drwy gyfrwng y Gymraeg. Gallwch wylio'r gyfres ar S4C o nos Lun i nos Wener am 20.00, a darlledir rhaglen omnibws ar ddydd Sul.
Ble mae Cwmderi?
Lleolir pentre dychmygol Cwmderi rhywle rhwng Caerfyrddin a Llanelli yng nghanol Cwm Gwendraeth. Mae dau bentre dychmygol arall yn agos i Gwmderi sef Llanarthur a Chwrt Mynach.
Sut mae derbyn S4C?
Gellir gwylio Pobol y Cwm yng Nghymru ar S4C Digidol ar:
Freeview - 4
Cebl - 167
Lloeren - 104
Lloeren (heb danysgrifio) - 134
Gellir gwylio'r gyfres tu allan i Gymru ar:
Lloeren - 134
Nid yw ar gael ar Freeview na Cebl
Gellir cael rhagor o wybodaeth ar wefan S4C
Gwybodaeth i ddysgwyr
Mae rhai o glipiau fideo y wefan hon ar gael gydag is-deitlau yn Saesneg (ar ochr Saesneg y wefan) ac yn y Gymraeg (ar ochr Gymraeg y wefan).
Darlledir Pobol y Cwm gydag is-deitlau ar S4C. Maen nhw ar gael yn y Gymraeg ar gyfer dysgwyr profiadol ac yn Saesneg ar gyfer dysgwyr newydd drwy eich set deledu neu drwy wasgu'r botwm coch rhyngweithiol. Darlledir yr omnibws ar ddydd Sul gydag is-deitlau Saesneg.
Am ragor o help ar sut i ddysgu Cymraeg, ewch i wefan Learn Welsh y BBC.
Ga' i ysgrifennu sgript?
Mae gwefan y BBC Writer's Room yn cynnwys gwybodaeth helaeth ar sut i fynd ati i gyflwyno sgriptiau ar gyfer Radio a Theledu'r BBC.
Ga' i ymddangos ar y rhaglen?
Os ydych chi eisiau bod yn actor, mae gwybodaeth ddefnyddiol ar wefan Spotlight. Mae extras yn cael eu castio drwy asiantaethau ac mae'n rhaid iddyn nhw fod yn aelodau o Equity.
Dw i eisiau cysylltu ag aelod o'r tîm cynhyrchu
Os ydych eisiau cysylltu â thim cynhyrchu Pobol y Cwm, dyma'r cyfeiriad:
Pobol Y Cwm Ystafell C1038A BBC Cymru Heol Llantrisant Llandaf Caerdydd CF5 2YQ
Ni all tîm y wefan anfon ebyst na ofynnwyd amdanynt at aelodau staff y BBC nag ychwaith ddatgelu cyfeiriad personol unrhyw aelod o staff.
Cliciwch yma i e-bostio'r tîm.
Dw i eisiau cwyno am Pobol y Cwm neu elfen o gynnwys y gyfres
Er mwyn sicrhau bod eich cwyn yn cyrraedd y bobl a fydd yn gallu ymateb yn briodol iddi, ewch i wefan cwynion y BBC. Ni all tîm gwefan Pobol y Cwm gynghori ar gwynion yn ymwneud â'r rhaglen.
Nid yw'r BBC yn gyfrifol am gynnwys gwefannau allanol.
