Sgen ti allu creadigol - ond heb yr offer addas? Well, ma' na le i ti fynd er mwyn rhoi dy sgiliau ar waith a gwneud y gorau o'r holl declau technegol diweddara'.
Beth ydy Digilab? Labordy digidol neu ganolfan tech-wyb yn llawn dop o'r holl offer diweddara' yn rhad ac am ddim i ti ddefnyddio.
Os wyt ti eisiau creu ffilm, recordio cerddoriaeth, dylunio neu ddysgu sut i animeiddio - dyma'r lle i ddod.
Ma' staff profiadol wrth law i dy helpu di ddatblygu dy sgiliau. Neu ma' croeso i ti glatcho bant ar dy liwt dy hun.
Ble mae'r Digilab agosa'? Mae 'na 112 Digilab ar hyd a lled Cymru. Maent wedi eu lleoli mewn mannau cyfleus fel canolfannau ieuenctid neu golegau cymunedol.
Clicia yma i syrffio gwefan CREDU a chwilio am dy digilab agosa'.
Oes unrhywun yn cael defnyddio Digilab? Mae'r prosiect yn targedu pobl rhwng 16-25, ond ma' croeso cynnes iawn i bawb - yn enwedig ffans Mosgito!
Ma' Mosgito a Digilabs wedi dod at ei gilydd i wneud yn siŵr bod unrhyw un sydd am gyfrannu cynnwys at Mosgito yn medru gwneud hynny trwy ddefnyddio Digilab.
Cyfan sydd angen i ti neud ydy llenwi ffurflen gofrestru - a bant â ti!
Pa offer sydd ar gael? Ma' 'na bob math o bethau bendigedig ar gael i ti e.e cyfrifiaduron â chysylltiad cyflym â'r rhyngrwyd, camerâu digidol, camerâu fideo, argraffwyr a sganwyr lliw, cyfrifiaduron llaw a chliniaduron symudol (laptops) yn ogystal â'r meddalwed diweddara'.
Does dim esgus felly! Bydd yn greadigol ac anfon dy gynnwys at Mosgito - nawr!
Cysylltiadau defnyddiol
Nid yw'r BBC yn gyfrifol am gynnwys gwefannau allanol.
Eich sylwadau
Bydd y cynta i gyfrannu...
Cysylltu
Anfon neges at Mosgito
Mae Mosgito'n trin pob neges yn gyfrinachol - ond ma croeso i ti ddefnyddio ffugenw os oes yn well gennyt. Mae gan Mosgito'r hawl i ddethol negeseuon a'u golygu. Yn anffodus, nid yw'n bosib ateb pob neges.
