|
Daeth nifer dda o bobl o bob oedran i ymuno a'r bererindod flynyddol, ac i daflu eu gobeithion am y flwyddyn 2010 i'r llyn. Daw pob blwyddyn a'i dywydd ei hun, yn law, gwynt, neu rew, ond eleni cafwyd cawodydd o eira, ac er iddo edrych yn dlws iawn, but'r cerddwyr yn ddewr iawn i fentro i'r mynyddd. Ond yn benderfynol o ddilyn traddodiad, fe aeth y dewrion trwy'r eira mawr i lan y llyn oer. Ysgrifennwyd llawer o ddymunidau ar ddarnau o bapur tatws, oedd yn ecolegol gyfeillgar, a'u taflu i'r llyn mewn gobaith. Cafwyd lluniaeth a chynhesrwydd yn yr ystafell gymuned i ddilyn, er mwyn cynhesu calonnau ynghyd a dwylaw a thraed oer.
 |
