I ddathlu mae Cae'r Gors yn cynnal Gŵyl y Grug trwy gydol mis Gorffennaf ac Awst i ddathlu'r achlysur. Mi fydd yna nifer o weithgareddau yn cael eu cynnal, fel teithiau cerdded yn seiliedig ar y rhai sydd yn y gyfrol o Gwmpas y Foel gan Dewi Tomos.

Chwarel a Phentreffydd y gyntaf ac yn naturiol Te yn y Grug i orffen.

Bydd y teithiau yn cael eu cynnal bob prynhawn Sul hyd at 30 Awst, ac yn cychwyn o Gae'r Gors am 2.00 o'r gloch.

Yn ystod y daith olaf, bydd perfformiad arbennig pan fydd Begw, Mair a Winni yn llythrennol godi o'r grug.

Roedd y cyfan yn cychwyn, beth bynnag a'r 25 Gorffennaf gyda 'Hwyl yr Haf' yng Nghae'r Gors ac ar dir Clwb Pel-droed Mountain Rangers lle'r oedd cyfle i daflu sbwng gwlyb at y stocs, cael barbeciw, chwarae gemau fel gwthio'r geiniog, peintio wynebau a mwy.

Byddwn yn cynnal twrnamaint pel-droed i blant yng Nghlwb Pel-droed Mountain Rangers ar 15 Awst a bydd pen-wythnos agored yma dros Wyl y Banc.

'Dach chi'n mynd i'r Steddfod yn y Bala? Mi fyddwn ni yno drwy gydol yr wythnos, a bydd y dathlu'n parhau.

Ar brynhawn Llun yr Eisteddfod bydd Dr Jerry Hunter o Benygroes, yn lansio cystadleuaeth stori fer newydd sbon ar stondin Prifysgol Bangor yn union cyn y coroni.

Ar y dydd Iau bydd te parti ar stondin Academi ychydig o jeli a the go arbennig - gobeithio.