|
Yn wreiddiol, roedd y fryngaer hon o Oes yr Haearn yn cwmpasu dau gopa a phant ar ben bryn trawiadol sy'n amddiffynfa naturiol. Ar y copa gogleddol, sy'n uwch na'r llall, mae'r brif gaer.
Mae rhywfaint o olion o ragfuriau (waliau amddiffynnol) i'w gweld ar y safle, yn arbennig ar yr ochr ddwyreiniol. Mae amlinelliad posib adeiladau wedi eu marcio gan gerrig o fewn y gaer, gan gynnwys amlinelliad hirgrwn sydd rŵan wedi ei lenwi â llwyni. Mae cwt crwn wedi ei guddio o dan y llwyni. Cyfarwyddiadau
Trowch ar allanfa B5115 oddi ar yr A55 i gyfeiriad Bae Colwyn. Trowch i'r dde wrth y ddau set nesaf o oleuadau traffig i gyfeiriad yr A547. Dilynwch y B5115 i'r dde wrth y cylchdro. Croeswch yr A55, ewch yn syth ymlaen drwy'r golau ac ar y cylchdro nesaf. Trowch i'r chwith wrth y set nesaf o oleuadau traffig i mewn i Ffordd y Rhos a chariwch ymlaen i'r gyffordd nesaf. Mae llefydd i barcio i lawr lôn fach gyferbyn. Ar y troad i'r dde, dilynwch y llwybr o'r chwith a chariwch ymlaen i ddringo i'r top.
 |
