k.l, o Gwynedd
Yn fy marn i rwyn meddwl bod storiau Kate yn gret! Efallai bod rhai ohonych yn meddwl ei bod nhw'n ddwl ond mae amseroedd yn newid ac mae iaith yn newid. Felly wrth ddarllen y storiau maen rhaid meddwl am y cyfnod. Mae'n rhaid bod y llyfrau yn dda, neu buasan nhw heb ei gyfiethu yn y lle cyntaf i wahanol iaethoedd. Felly darllenwch y llyfrau mae nhw yn gret!!!!

Annette Strauch, Machynlleth & Yr Almaen
'Rwy'n hoffi straeon Kate Roberts. Mae Frank Meier wedi cyfiethu rhai i'r Almaeneg - gyda Angharad Price.

Alun M o Aberystwyth
Ni fydd gwaith unrhyw un awdur at dant pawb - ac rwy'n amau doethineb y sawl sy'n rhoi gwaith KR i blant ysgol TGAU. Os ydych chi'n chwilio am gyffro ac antur ar bob paragraff a chwerthin lond eich trons - ac does dim byd yn bod ar hynny - fyddwn i ddim yn argymell Kate! Rhaid gweud nad oeddwn i'n mwynhau ei gwaith pan oeddwn i'n iau. Ond erbyn cyrraedd fy 30-rhywbeth am ryw reswm, rwyf i wrth fy modd â hi. Mae'n ymdrin â themâu mawr: perthnasau pobl, marw, byw, tlodi, teimladau, plentyndod, henaint: ond drwy ysgrifennu yn sensitif am fywydau pobl gyffredin. Alla i ddim cytuno â'r rhai sy'n gweud ei bod hi'n hirwyntog o gwbl: odyn, mae'r straeon yn araf, ond mae’r ysgrifennu'n gynnil a sylwgar a sensitif. Fe alla i ddeall yn iawn pam nad yw rhai pobl yn mwynhau ei gwaith: digon teg. Ond ar y llaw arall, os ydych chi’n hoffi llenyddiaeth deimladwy sy’n ymdrin â materion o ddifri, ac wedi’i hysgrifennu yn gain, Kate amdani!

Siôn Elwyn o Frynrefail
Teimlaf fod y llyfr hwn yn adrodd hanes bywyd yn y cyfnod yn ogystal ag adrodd stori syml yn dda.

Disgybl sydd yn hoffi ei gwaith
Mae nofelau Dr Kate Roberts yn wych yn y marn i ac rwyf yn cytuno yn gryf hefo beth y dywedodd 'Disgybl o Ysgol Dyffryn Nantlle'!Pa hawl sydd gan rhai o chi sydd yn dweud ei bod hi yn ddynes gas a bod ei nofelau yn 'crap' a diflas!Yn fy marn i mae yn ddiddorol iawn clywed am sut yr oedd hi yn byw yn y cyfnod yma. Rwyf yn awgrymu y buasai yn well i chwi beidio a dweud pethau cas am dan ei nofelau hi oherwydd a ydy'chi yn gallu ysgrifennu fel y mae hi yn gwneud?? DWI DDIM YN MEDDWL! Rhaid i ni barchu sut yr oedd hi yn ysgrifennu a sut yr oedd un o lenorion gorau Cymru yn meddwl! Rwyf wedi darllen Te yn y Grug ac yn meddwl ei fod yn wych, felly peidiwch a dishmoli ei gwaith hi!

David Williams, Aberystwyth
Sylwadau diddorol iawn yma, gan blant sy'n gorfod astudio gwaith yr hen Get yn yr ysgol. Digon teg. Pwy ddisgwyl i blant ar ddechrau'r unfed ganrif ar hugain gael blas ar gwyno cyson am galedi bywyd, am wallgofrwydd gwragedd gweindogion, ac am fywyd yr ardaloedd chwarelyddol na wyddant hwy ddim amdano. Be ddiawl sydd ar ein hawdurdodau addysg yn gosod llyfrau fel hyn yn destunau gosod? 'Does ryfedd yn y byd bod y plant hyn yn gweld ein llenyddiaeth yn ddiflas ac yn boring. Wedi dweud hyn, y mae Cymraeg yr hen Get yn dda, - sy'n fwy nag y gellir ei ddweud am Gymraeg [rhai] 'ysgolheigion' ...

Gerallt o Pontrug y lle i fod !!!!!!!!!!
Yn fy marn i mae ei storiau braidd yn iselfryd ond mae ei ffordd o sgwennu'n wych

Marged o Bethel
Nid wyf yn hoff o waith Kate Roberts, mae o i gyd yn ddwl a depressing.

Llinos Morgan-Roberts o Rhuthun
Perthynas ydw i o Kate Roberts, roedd hi'n gyfnither cyntaf i fy hen daid, Hugh Griffith Roberts o Drefriw, Sir Caernarfon. Tydw i ddim wedi darllen llyfrau hi i gyd ond rwy'n cofio darllen rhai ohonynt pan o'n i yn Ysgol Morgan Llwyd, Wrecsam. Mwynheis nhw yn fawr iawn, maent yn rhoi argraff byw iawn o bywyd mewn ardal oedd yn Gymreig iawn ar y tro.

Mae fy agwedd i tuag at magu fy mhlant yn y Gymraeg pur yn amlwg wedi ymestyn dros y cenhedloedd ac rwy'n teimlo mor gryf fy mod yn hiraethu at symud i ardal Sir Gaernarfon i fyw. Mae gwaith Kate Roberts yn dangos pa mor gruf oedd agwedd gwragedd tuag at eu teuluoedd a'u bywydau.