Rydym yn cynnal Llanffest ar ein fferm, Tyn Llwyfan. Dwi ddim yn gwybod beth yw tarddiad yr enw, ond mae'n un da ar gyfer gig! Rydym yn clirio'r sgubor allan ac yn gwahodd pawb!

'Da ni wedi bod yn cael partïon preifat yma ers tro, ond yn 2007 ddaru ni penderfynu eu hagor i fyny i'r cyhoedd er mwyn hel arian i'r rasys cŵn defaid rhyngwladol 2008, sy'n cael ei chynnal yn Abergele. Ac er ein bod wedi blino, 'da ni am wneud o eto eleni, gyda'r pres yn mynd i Dŷ Gobaith, clwb pêl-droed Llanfairfechan a'r carnifal lleol.

Y gymuned sy'n ein cefnogi, a nhw sy'n elwa hefyd.

Yn 2008, roeddem yn ddigon lwcus i gael Bryn Fôn a'r Band, Something Personal, Get Out Clause, Emyr Gibson a'r Band a fi, Rhian Mostyn a'r Band.

Roedd yn agored i blant hefyd, a ddaru gwirfoddolwyr chwaraewyr o glwb pêl-droed ddod draw i hyfforddi'r plant. Mi gafodd pawb lot o hŵyl.