Fe hefyd enillodd y wobr am y chwaraewr clwb gorau gan Gymdeithas Bel Droed Cymru!

Mae Ashley, sy'n 25 oed, wedi bod yn chwarae yn gyson i dîm Paulo Sousa, ac yn ffefryn mawr gyda chefnogwyr yr Elyrch.

Mae o hefyd wedi chwarae dros Gymru 17 o weithiau!

Nawr, mae disgwyl iddo fe gael ei ddewis yn gapten ar dîm Cymru am y tro 1af pan fydd Cymru yn herio'r Alban yng Nghaerdydd ddydd Sadwrn.

Mae ennill y clod yma yn anrhydedd mawr i'r amddiffynnydd.

Yn y gorffennol, chwaraewyr fel Ian Rush, Neville Southall a Ryan Giggs sydd wedi ennill y wobr.

O ran enillwyr eraill y noson cafodd Aaron Ramsay ei enwi'n chwaraewr ifanc y flwyddyn.