Bryn y Briallu - Primrose Hill - yn Llundain fyddai'r lle naturiol i osod y gofeb.

Mae ymgyrchwyr hefyd yn ceisio denu sylw a chodi ymwybyddiaeth ac arian ar gyfer yr achos.

Ond pwy oedd Iolo Morgannwg?

Edward Williams oedd ei enw bedydd a chafodd ei eni ar Fawrth 10, 1747 ym mhlwyf Llancarfan ym Morgannwg.

Mae'n enwog oherwydd taw fe wnaeth gynnal y cyfarfod cyntaf o Orsedd y Beirdd Cymraeg a hynny ym Mryn y Briallu yn Llundain yn 1792.

Iddo fe mae'r diolch felly bod yr Orsedd yn rhan o'r Eisteddfod Genedlaethol hyd heddiw.

Fe fydd y gofeb ar ffurf murlun wedi'i osod yng nghanol llechen gron.

Mae 2 artist o Gymru wedi eu comisiynu i greu'r darn o waith llechen, John Meirion Morris ac Ieuan Rhys.