Seremonïau'r wythnos

Gadair wag 2009

Rhestr o seremonïau'r wythnos, enillwyr 2009, 2008 ac Eisteddfodau Meirion a'r Cyffiniau y gorffennol.

Dydd Llun

Seremoni Coroni'r Bardd
16.30
Pafiliwn
Tasg: Pryddest neu ddilyniant o gerddi heb fod dros 200 llinell: Yn y Gwaed.

  • 2009: Ceri Wyn Jones o Aberteifi

  • Gwyliwch glip o'r seremoni
  • 2008: Hywel Griffiths enillodd Goron Eisteddfod Genedlaethol Caerdydd
  • 1997: Cen Williams gipiodd y Goron pan fu'r Eisteddfod Genedlaethol yn Y Bala y tro diwethaf, am ei bryddest 'Branwen'
  • 1967: Eluned Phillips oedd enillydd y Goron am y bryddest 'Corlannau'

Dydd Mawrth

Seremoni Medal Syr T. H. Parry - Williams er clod
12.30pm
Pafiliwn

  • 2009: Haf Morris enillodd y fedal hon eleni
  • Yn Eisteddfod Caerdydd 2008 dyfarnwyd y Fedal i Mair Penri Jones, Y Bala

Seremoni Gwobr Goffa Daniel Owen
17.00
Pafiliwn
Tasg: Nofel heb ei chyhoeddi gyda llinyn storïol cryf a heb fod yn llai na 50,000 o eiriau.

  • 2009: Fflur Dafydd enillodd yn Y Bala gyda'i nofel 'Y Llyfrgell'
  • 2008: Ifan Morgan Jones oedd enillydd y Fedal yn Eisteddfod Genedlaethol Caerdydd
  • 1997: Gwyneth Carey enillodd y Fedal am y gyfrol 'Mwg'

Sefydlwyd y wobr hon yn 1978.

Dydd Mercher

Seremoni'r Prif Lenor Rhyddiaith a Chroesawu Cyfeillion o Wledydd Tramor
16.30
Pafiliwn
Tasg: Cyfrol o ryddiaith greadigol heb fod dros 40,000 o eiriau: Gwead.

  • 2009: Enillwyd y Fedal gan Siân Melangell Dafydd

  • Gwyliwch glip o'r seremoni
  • 2008: Mererid Hopwood o Gaerfyrddin enillodd y Fedal Ryddiaith yn Eisteddfod Caerdydd. Mae Mererid bellach wedi ennill y Gadair, y Goron a'r Fedal Ryddiaith - y tro cyntaf i ferch ennill tair prif wobr lenyddol yr Eisteddfod Genedlaethol
  • 1997: Angharad Tomos enillodd y Fedal yn Y Bala yn 1997 am y gyfrol 'Wele'n Gwawrio'
  • 1967: Doedd neb yn deilwng o'r Fedal yn yr Eisteddfod yn 1967

Nos Fercher

Seremoni Tlws y Cerddor
19.15
Pafiliwn
Tasg: 6 o ganeuon, un ar gyfer pob un o'r lleisiau yn y cystadlaethau unawdau dros 25 oed gyda chyfeiliant piano.

  • 2009: Doedd neb yn deilwng o'r tlws
  • 2008: Eilir Owen Griffiths enillodd y Tlws yn Eisteddfod Genedlaethol Caerdydd
  • 1997: Guto Pryderi Puw oedd yr enillydd yn Y Bala.

Yn 1990 sefydlwyd y wobr hon.

Dydd Iau

Cyflwyno enillydd Dysgwr y Flwyddyn
11.35
Pafiliwn

  • 2009: Meggan Prys, yn wreiddiol o Ohio yn America enillodd y teitl
  • 2008: Madison Tazu oedd enillydd Tlws Dysgwr y Flwyddyn
  • 1997: Paul Elliot oedd Dysgwr y Flwyddyn yn Eisteddfod Y Bala

Cyflwyno Enillydd y Fedal Wyddoniaeth a Thechnoleg
11.40
Pafiliwn
Am gyfraniad helaeth i'r defnydd o'r Gymraeg ym myd Gwyddoniaeth a Thechnoleg

  • 2009: Dafydd Dafis o Randirmwyn oedd yr enilllydd
  • 2008: Iolo ap Gwynn oedd enillydd y Fedal yn Eisteddfod Genedlaethol Caerdydd

Seremoni Cyflwyno enillydd y Fedal Ddrama
13.10
Pafiliwn

  • Am yr ail dro'n olynol enillodd Dyfed Edwards y Fedal Ddrama yn 2009 ar ôl ennill yn Eisteddfod Genedlaethol Caerdydd yn 2008
  • 1967: Bob Roberts enillodd Tlws y Ddrama

Dydd Gwener

Seremoni Cadeirio'r Bardd
16.30
Pafiliwn
Tasg: Awdl / Cerdd mewn cynghanedd gyflawn heb fod dros 200 llinell. Thema 2009: Cyffro.

  • 2009: Doedd neb yn deilwng o'r Gadair

  • Gwyliwch glip o seremoni'r Gadair wag
  • 2008: Hilma Lloyd Edwards o Bontnewydd, Caernarfon oedd enillydd Cadair Eisteddfod Genedlaethol Caerdydd
  • 1997: Ceri Wyn Jones enillodd y Gadair yn Eisteddfod y Bala yn 1997 am yr awdl 'Gwaddol'
  • 1967: Emrys Roberts gipiodd y Gadair yn Eisteddfod 1967 am yr awdl 'Y Gwyddonydd'

Gwybodaeth ychwanegol

Tua awr o hyd yw pob un o'r prif seremonïau. Mae angen i bawb fod yn eu seddau erbyn 16.15. Ni agorir y drysau wedyn tan bod y seremoni wedi gorffen am tua 17.30 o'r gloch.

Darllenwch am holl seremonïau Eisteddfod Genedlaethol Caerdydd 2008 ac Eisteddfod Y Fflint 2007 trwy glicio ar y dolenni ar y dde.


Canlyniadau

Côr Cynta i'r Felin

Rhestr lawn

Canlyniadau'r wythnos yn llawn.

C2

Cyfweliad gyda Gwyneth Glyn

Yn y Steddfod

Lluniau a chlipiau ecscliwsif o gigs yr Eisteddfod.

BBC Lleol

Cerflun yn nhref Y Bala

Y Bala

Adnabod tref Y Bala ar wefan BBC Lleol i'r gogledd orllewin.

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.