Tref fechan yng Ngalisia, Gogledd-Orllewin Sbaen (rhwng Santiago de Compostela a La Coruna) yw As Pontes.

Fel Cymru, mae Galisia yn goresgyn y dirywiad mewn incwm diwydiannol ac amaethyddol traddodiadol drwy ddychymyg a datblygiadau newydd. Mae As Pontes wedi symud oddi wrth ddibyniaeth am gyflogaeth ar orsaf drydan enfawr yn llosgi lignit a gynhyrchir yn lleol tuag at bosibiliadau eraill megis ynni gwynt a'r haul.

Mae gefeillio yn ein galluogi i wneud ffrindiau, rhannu syniadau ac ymweld ag ardal brydferth. Ceir hefyd gysylltiadau parod ar gyfer prosiectau Ewropeaidd: mae cynlluniau eisoes ar y gweill ar gyfer cysylltiadau addysgol, celfyddydol a cherddorol, ynghyd â thwristiaeth a phrosiectau amgylcheddol.

Mae'r gymdeithas yn trefnu ymweliadau cyfnewid blynyddol a gynhelir yn As Pontes ac yng Nghaerfyrddin bob yn ail flwyddyn.

Croesewir aelodau newydd ac unrhyw awgrymiadau (ynghyd â newyddion am unrhyw gysylltiadau eraill rhwng Cymru a Galisia). Cysylltwch, os gwelwch yn dda, â'r ysgrifennydd: bldavies@gelliaur.plus.com