Ymddiriedolwr Cenedlaethol y BBC dros Gymru a Chadeirydd y Cyngor Cynulleidfa :
"Llynedd gweddnewidiodd Siarter Frenhinol newydd y BBC y modd y caiff y BBC ei lywodraethu drwy sefydlu Ymddiriedolaeth y BBC a Chyngor Cynulleidfa Cymru.
"Yr Ymddiriedolaeth sy'n gosod cyfeiriad strategol cyffredinol y BBC gan arolygu ei waith ar ran talwyr ffi'r drwydded a'r Cyngor sy'n sicrhau bod barn pobl Cymru yn cael lle amlwg yng ngwaith yr Ymddiriedolaeth."
Mae angen Acrobat Reader ar eich cyfriadur er m mwyn gweld yr Arolwg. Os nad yw hwn gyda chi, gweler y canllawiadau cam-wrth-gam WebWise sy'n esbonio sut i'w lawrlwytho.
Copïau ar bapur
Rhowch ganiad i 08703 500 700 i holi am gopi papur o'r Arolwg Blynyddol.
Hyd at 6c y funud yw cost galwadau o linell BT (gall amrywio gyda chwmniau eraill a ffonau symudol) a gellir eu recordio at ddibenion hyfforddiant.
"Yn ystod 2007-08, sef y flwyddyn lawn gyntaf ym modolaeth y Cyngor, mae wedi gweithio'n ddyfal er budd cynulleidfaoedd y BBC yng Nghymru. Mae wedi tynnu sylw'r Ymddiriedolaeth at nifer o faterion arwyddocaol :
- Cefnogodd y Cyngor yn gryf sefydlu gwasanaeth teledu digidol Freesat ac fe lansiwyd y gwasanaeth newydd ym mis Mai eleni gan ddatrys rhai o'r problemau o dderbyn teledu digidol yng Nghymru
- Lleisiodd y rhwystredigaeth a deimlir gan nifer yng Nghymru nad yw Newyddion Rhwydwaith y BBC bob tro yn adrodd yn briodol ar faterion yn ymwneud â'r Cynulliad Cenedlaethol. Esgorodd hyn ar gomisiynu arolwg amhleidioldeb gan Ymddiriedolaeth y BBC, adroddiad gan yr Athro Anthony King ac ymchwil annibynnol ar y pwnc - cyfran ohono wedi ei wneud gan Brifysgol Caerdydd.
- Parhaodd y Cyngor i dynnu sylw'r Ymddiriedolaeth at broblem argaeledd DAB yng Nghymru, nad yw Radio Cymru a Radio Wales ar gael ar DAB i hanner y boblogaeth, a bod 70% o siaradwyr Cymraeg yn methu derbyn Radio Cymru.
- Pwysleisio pwysigrwydd gwasanaethau addysgol y BBC i Gymru yn y Gymraeg a'r Saesneg gan fynegi pryder fod BBC Jam wedi ei atal gan yr Ymddiriedolaeth ac argymell yn gryf iawn fod deunydd Jam a oedd yn agos at fod wedi ei gwblhau pan derfynwyd gwasanaeth Jam yn cael ei ryddhau cyn gynted â phosib.
- Pwysleisiodd y Cyngor bwysigrwydd cael rhaglenni sy'n sicrhau bod y DU yn gweld a chlywed llawer mwy o'r Gymru fodern yng nghynnyrch rhwydwaith y BBC.
"Mae'r Arolwg Blynyddol yn rhoi gorolwg y Cyngor o berfformiad y BBC yng Nghymru yn ystod 2007-08 - gan gynnwys llwyddiannau teledu a radio megis Coal House a'r gyfres Clasuron ar Radio Cymru yn ogystal â llwyddiannau nodedig nifer o raglenni BBC Cymru ar y Rhwydwaith megis Doctor Who, Torchwood ac Across the Divide.
"Mae'n achos o falchder mawr i mi gael cadeirio Cyngor Cynulleidfa Cymru. Edrychaf yn ôl gydag edmygedd at yr hyn a gyflawnodd y Cyngor yn ystod 2007-2008 ac edrychaf ymlaen at weld llwyddiannau pellach yn deillio o ffrwyth ei benderfyniad i sicrhau mai buddiannau cynulleidfaoedd yng Nghymru sydd wrth galon popeth a wna'r BBC."
Mae Cyngor Cynulleidfa Cymru, a sefydlwyd fel rhan o'r Siarter Frenhinol newydd, yn sicrhau bod barn gwylwyr a gwrandawyr y BBC yn cael eu clywed gan Ymddiriedolaeth y BBC. Yn ystod y flwyddyn ddiwethaf mae wedi cynnal cyfarfodydd ar gyfer gwylwyr, gwrandawyr a defnyddwyr gwasanaethau'r BBC mewn sawl rhan o Gymru ac wedi trosglwyddo'r sylwadau a glywyd ganddo i Ymddiriedolaeth y BBC yn ei ymatebion i'r amrywiol ymgynghoriadau a gynhaliwyd ganddo.
Fel dogfen hanesyddol, nid yw'r Arolwg yn cael ei diweddaru ar ôl ei chyhoeddi.
