Bu farw'r Gwir Barchedig George Noakes, cyn-Archesgob Cymru, yn Ysbyty Glangwili, Caerfyrddin, Gorffennaf 14.
Roedd yn 83 oed ac yn Archesgob Cymru rhwng 1987 a 1991.
Patrick Thomas yn cofio George Noakes
Bu'r Tra Pharchedig John Wyn Evans, Deon Tyddewi, a'r Dr Meredydd Evans yn sôn am George Noakes ar y rhaglen radio, Bwrw Golwg fore Sul, Gorffennaf 20 gyda John Roberts yn eu holi.
Cadw at ei wreiddiau
 Wyn Evans, deon Tyddewi, yn sôn am George Noakes
Disgrifiodd Wyn Evans ef fel dyn diymhongar a chraff a oedd yn deall y Gymru wledig ac a gadwodd yn driw i'w wreiddiau.
"Wnaeth e erioed anghofio ei wreiddiau," meddai gan ychwanegu ei fod yn ŵr pwyllog a phob amser yn dda ei gyngor.
Yn batrwm o fywyd Cristnogol
Meredydd Evans yn siarad am George Noakes.
Disgrifiodd Meredydd Evans ef fel cyfaill agos iawn a fu o gymorth mawr iddo yn ystod cyfnod personol anodd yn ei fywyd yn ceisio cefnu ar yfed.
"Yr oeddwn yn gwybod ei fod efo fi yn yr argyfwng," meddai wrth gyfeirio'n ôl at gyfnod George Noakes yng Nghaerdydd pryd yr oedd o hefyd yn aelod o ddosbarth Athroniaeth Meredydd Evans.
Fe'i disgrifiodd hefyd fel offeiriad a bugail "rhagorol" a oedd yn bregethwr effeithiol a gafaelgar.
"Yr oedd mynd i'r gwasanaethau yn bleser ac yn fendith bob amser," meddai.
Yr oedd hefyd, meddai yn ymroddedig i fywyd Cymraeg Caerdydd yn ystod ei gyfnod yn gofalu am Egflwys Dewi Sant yn y Brifddinas.
"Yr oedd yn ddyn hawdd iawn, iawn, ymwneud ag o . . . ac yn batrwm o fywyd Cristnogol," meddai.
Marw George Noakes
 |
