 |
""A bechdan ham and a te in a cowpen", atebais yn fy Saesneg gora. "
Gwalia
Elizabeth Fletcher, Sbarc!, Galeri Caernarfon
|
|
Croeso yng Nghaffi Gwalia
Dewch mewn i gaffi clud Gwalia. Mae yna groeso mawr yn eich disgwyl yn ogystal â paned, cacen... ac ambell i sgerbwd efallai.
Stori ddigidol gan Sbarc!, Galeri Caernarfon. Gyda diolch i Sbarc!
Gwalia gan Elizabeth Fletcher
Os ydach chi ym Mhwllheli ryw dro ac yn ffansio panad cofiwch alw i mewn i Caffi Gwalia. Caffi teulu ni, y Pritchards ydi Gwalia ers bron i hannar can mlynadd.
Becar o'dd dad, yn berchan ar Central Stores, Pen y groes pan brynodd o a mam Gwalia. Plant Pwllheli ydi Eric, Sifian a fi.
Dwi'n cofio'n iawn i ni fynd yna am y tro cynta' i ga'l te efo Mrs Griffiths, y perchennog ar y pryd. Roddwn i'n dipyn o lances.
"What would you like for tea Elizabeth?" gofynnodd Mrs Griffiths i mi.
"A bechdan ham and a te in a cowpen", atebais yn fy Saesneg gora.
Ond fel 'na ro'n i isio bod, yn grand fel fy ffrindia. Do'dd byw uwchben siop ddim yn fy mhlesio. Ma' mam yn cofio i mi ofyn iddi ryw dro "Pa bryd da ni'n mynd i ga'l drws ffrynt neis fel pawb arall?"
Ond bu rhaid i mi weithio yn y siop yn gwerthu cacenni a bara bob gwylia ha a ro'n i'n ca'l llond bol ar ofyn i Saeson o'dd isio prynu eclairs a cream slices "In a bag or a box, in a bag or a box" fel rhyw barot gwallgo!
Ro'dd dad yn casglu clefydda' a'u dangos ar wal y caffi. Un Nadolig, pan oedda' ni yn teenagers mi gafodd fy mrawd, chwaer a minna' barti yn y caffi pan o'dda ni'n teenagers. Tynnodd nifer o'r gwesteion meddw rhain i lawr a dechra' cwffio efo nhw! Gwyrth nad a'th amball i feddwyn adra namun coes chwith neu fraich dde!
Tydi Gwalia heb newid llawar ers hannar canrif. Yr un byrdda' a chadeiria a chasgliad o lestri prydferth sy yna o hyd. A chofiwch, peidiwch a dod heb arian. Tydi switch na Access wedi cyrra'dd eto. Ma'r hen dil hefo rhes o fotyma sy angan eu gwasgu'n galad yn dal i gymryd pres.
Os nad ydi'r lle wedi altro wedi altro rhyw lawar, ma'r staff pan oeddwn i'n ifanc wedi hen fynd. Ond, da ni'n dal i siarad amdanyn nhw dros fwrdd cinio neu dros banad.
Un Gŵyl Banc Gofynnodd mam mond am skeleton staff un ŵyl banc. Un o'r waitresses a ddaeth o'dd Palmeira. Pan gwynodd ryw Saeson wrthi fod y gwasanaeth yn rhy ara' deg, atebodd hitha'.
"It's no use complaining - we are a staff of skeletons!"
Tydi Gwalia heb newid llawar - a pheth braf 'di hynny; bod cysondeb mewn byd mor gyfnewidiol.
Ond yn y diwadd, wrth gwrs, ma' popeth yn newid, ac efallai mai'r unig beth sy'n aros o hyd ydi ein hatgofion ni. Diolch am atgofion sy mor felys a drws ffrynt sy mor fawr.
Eich sylwadau...
Beth ydych yn meddwl am y stori yma?
Gadewch i ni wybod.
| |
|
