Daeth rhediad Mark Williams yn y Grand Prix yn Glasgow i ben wedi i Ding Junhui o Tsiena ei drechu 6-1 yn y rownd gyn derfynol.
Yr oedd Williams wedi dechrau'r rownd gyn derfynol yn wych gan sicrhau'r ffrâm agoriadol gyda rhediad o 142.
Ond Ding enillodd y chwe ffrâm olynol oedd yn cynnwys rhediadau o 103 a 85 ac fe fydd yn wynebu Neil Robertson o Awstralia yn y rownd derfynol ddydd Sul.
Dyma'r tro cyntaf ers bron i chwarter canrif y bydd dau chwaraewr o du allan i'r Deyrnas Unedig yn cystadlu mewn rownd derfynol prif gystadleuaeth.
