|
Sicrhaodd Cymru eu lle yn y rownd derfynol ar Gae'r Bragdy ddydd Sul drwy ennill 88-8 yn Serbia a threchu Iwerddon 42-2 ym Mhontypridd y Sul diwethaf. Ac mae chwaraewyr ifanc Cymru wedi creu argraff ar gyn hyfforddwr Bradford a Wigan gafodd ei benodi gan y Crusaders fis diwethaf. "Mae'r hyn sy'n digwydd yng Nghymru yn fy nghyffroi," meddai Noble. "Mae 'na nifer o chwaraewyr y Crusaders wedi body n gwneud yn dda. "Fe alle ni ddenu mwy o dalent tebyg ac fy ngobaith yw y bydd tri chwarter o'r tîm yn y pendraw yn Gymry,. "Mae'n bwysig bod tîm cenedlaethol Cymru yn un cryf. "Roedd y ffaith na lwyddodd Cymru i gyrraedd Cwpan y Byd y llynedd yn sioc i bawb. "Ond mae'r broses o ail adeiladu wedi dechrau ac mae'n wych i'w gweld yn rownd derfynol prif gystadleuaeth. "Fe ddylai Cymru fod yn dyheu, nid yn unig am le ymysg y Pedair Gwlad yn 2011, ond hefyd cystadlu yng Nghwpan y Byd yn 2013."
 |
