Ac roedd McBryde, hyfforddwr blaenwyr Cymru, yn teimlo nad oedd y tîm wedi adeiladu ar y perfformiad yn erbyn Seland Newydd y Sadwrn diwethaf.

"Ar ôl gêm wythnos diwethaf roedd pawb yn disgwyl pethau mawr ond yn anffodus wnaeth hi ddim troi allan fel hynny," meddai hyfforddwr blaenwyr Cymru.

"Os edrychwch ar lefel y perfformiad allech chi ddim cymharu'r ddwy gêm.

"Roedde ni'n gobeithio y bydde ni wedi dysgu ambell i wers o'r Sadwrn diwethaf a medru defnyddio'r profiad hwnnw i'n mantais.

"Ond yn anffodus ni wnaetho ni lwyddo.

"Fe wnaetho ni ddechrau'n gryf iawn ac yn creu ambell i fylchiad yn amddiffyn Samoa.

"Ond doedde ni ddim digon clinigol i orffen y cyfleoedd a chael y ceisiau."

Cafwyd cadarnhad wedi'r gêm y bydd maes Stadiwm y Mileniwm yn cael ei ail osod cyn y gêm yn erbyn yr Ariannin y Sadwrn.

Roedd y newyddion hynny wrth fodd McBryde, oedd yn feirniadol o safon y maes ar gyfer y gêm yn erbyn Samoa.

"Tydi cyflwr y cae ddim digon da i'r safon yma o rygbi," meddai McBryde.

"''Da ni'n gweld ambell i unigolyn yn colli eu traed wrth ochrgamu ac wedi gorfod symud man y sgrym o un lle i'r llall.

"Tydi hynny ddim yn helpu ond dyw e ddim yn esgus chwaith gan ei bod yr un peth i'r ddwy ochr."