Gareth Thomas fydd yn cymryd rôl y capten wedi i Jones dorri ei arddwn gyda James Hook yn symud o safle'r canolwr i wisgo crys rhif 10.
Mae'r anaf i Jones yn debygol, o'i gadw allan am dair wythnos, sy'n golygu ei fod yn amheuaeth ar gyfer gêm Y Sgarlets yn rownd wyth olaf Cwpan Heineken.
Bydd Ceri Sweeney yn cymryd lle Thomas ar y fainc yn yr unig newid i'r
22 gollodd yn erbyn Yr Eidal penwythnos diwethaf.
"Mae Stephen wedi bod yn ysbrydoliaeth o fewn y garfan dros y dyddiau diwethaf ac nid hwn yw'r paratoad gorau yn ystod wythnos bwysig," meddai hyfforddwr Cymru, Gareth Jenkins.
"Er hynny 'da ni'n ffyddiog y bydd Hook yn gallu newid safle ac yn barod am yr her, tra bod cynnwys Thomas yn hwb positif.
"Rydym yn ffodus o allu galw chwaraewr sydd â'r pedigrî o fod yn gapten i lenwi'r bwlch."
Bydd Gareth Thomas yn ennill cap rhif 92 yn erbyn Lloegr ddydd Sadwrn - gan ddod yn gyfartal â record Gareth Llywellyn.
Tîm Cymru i wynebu Lloegr yng Nghaerdydd ddydd Sadwrn:
Kevin Morgan, Mark Jones, Tom Shanklin, Gareth Thomas, Shane Williams; James Hook, Dwayne Peel; Gethin Jenkins, Matthew Rees, Chris Horsman, Ian Gough, Alun-Wyn Jones, Alix Popham, Martyn Williams, Ryan Jones.
Eilyddion: Duncan Jones, Adam Jones, Rhys Thomas, Brent Cockbain, Jonathan Thomas, Mike Phillips, Ceri Sweeney.
Dyfarnwr: Alain Rolland (Iwerddon)
 |
