Mae wythwr yr Harlequins yn dioddef o anaf i'w wddf a bydd ei le yn y tîm yn mynd i James Haskell o'r Wasps.
Bydd Haskell yn chwarae ei gêm rhyngwladol gyntaf fel blaenasgellwr ochr dywyll gyda Joe Worsley yn symud i safle'r wythwr.
Roedd Brain Ashton eisoes wedi gwneud dau newid i'r tîm drechodd Ffrainc y penwythnos diwethaf.
Mae Mark Cueto yn cymryd lle Josh Lewsey yn safle'r cefnwr tra bod Mathew Tait yn chwarae yn y canol ar draul Mike Tindall.
Nid yw perfformiadau Lewsey wedi bod cystal yn ddiweddar ac mae Tindall yn dioddef ag anaf i'w ben glin.
Nid yw'r maswr, Jonny Wilkinson, ar gael ar gyfer y gêm oherwydd anaf i linyn ei âr ac o'r herwydd mae Toby Flood yn cael cyfle arall yn nghrys rhif 10.
Roedd y capten, Phil Vickery, eisoes allan o'r tîm oherwydd anaf.
Tîm Lloegr i herio Cymru:
M Cueto (Sale Sharks); D Strettle (Harlequins), M Tait (Newcastle), M Catt (Gwyddelod yn Llundain, capt), J Robinson (Sale Sharks); T Flood (Newcastle), H Ellis (Caerlŷr); T Payne (Wasps), G Chuter (Caerlŷr), J White (Caerlŷr), M Corry (Caerlŷr), T Palmer (Wasps), J Haskell (Wasps), T Rees (Wasps), J Worsley (Wasps).
Eilyddion: L Mears (Caerfaddon), S Turner (Sale Sharks), L Deacon (Caerlŷr), M Lund (Sale Sharks), S Perry (Bryste), S Geraghty (Gwyddelod yn Llundain), J Noon (Newcastle).
 |
